فاكرين الصلصال .. ؟؟

الثلاثاء يونيو 25, 2013 6:22 pm

السلام عليكم فاكرين الصلصال ؟؟؟

اللى كنا بنلعب بيه و احنا صغيرين ..

كانت لعبة جميلة لأننا

( بنشكل الأشكال اللى احنا عايزينها )

فكرت فى يوم إنك عامل زى " الصلصال " ؟؟

قال تعالى " و َلَقَدْ خَلَقْنَا الإِنسَانَ مِن صَلْصَالٍ مِّنْ حَمَإٍ مَّسْنُونٍ "

إنت صلصال .. و انا صلصال هنتشكل زى ما احنا عايزين .

يا إما نطلع لفوووق " للدين " يا إما ننزل لتحت " للدنيا "

الشيطان زين لينا الدنيا و خلاها حلوة فى عيننا , خلانا ناخد منها و ناخد و ناخد و مش

نكتفى ابداً مهما اخدنا , بس الزينة اللى زينها الشيطان للدنيا زينة زااااائفة ملهاش اى

قيمة ولا اى معنى .. مجرد " زينــة "

" َقالَ رَبِّ بِمَا أَغْوَيْتَنِي لأُزَيِّنَنَّ لَهُمْ فِي الأَرْضِ وَلأُغْوِيَنَّهُمْ أَجْمَعِينَ "

الشيطان ضحك عليـــك للأسف !

زى كده واحد جاب حاجة ليس لها اى قيمــــة , مثلاً " شويـة تراب " و حطهم فى علبة

شيك اوووى و غلفها غلاف جمييل يخطف الأنظار و ورد بقا و شرايط ستان يعنى اللى

يشوفها يقول العلبة دى فيها إيييه ؟؟

حاجة ألماظ ولا دهب ..

هتفضل مخدوع فى شوية التراب دول لحد امتى و فاكرهم ألماظ ؟!

متستناش لما العلبة تتفتح و تشوف إيه اللى فيها , ليه توصل نفسك لمرحلة إنك تُصدم

باللى جواها ! تُصدم بأصلها ؟!

شوف بقا الزينة الحقيقة .. " زينة ربنـــــا " اللى بيقولك بإيدك تختار ما بين الزينتين دول

و تشكل نفسك عليهم لإنك ( صلصـــال )

قال تعالى " َلَقَدْ جَعَلْنَا فِي السَّمَاء بُرُوجًا وَزَيَّنَّاهَا لِلنَّاظِرِينَ "

بإيدك تشكل نفســــــك !

متقولش " مش قادر " او " مفيش فايدة منى " او " جربت كتير و منفعش "

لأ ... لأ ... جرب بدل المرة مليووووووون مرة و اعرف انت بتتعب علشان إيه ؟ و علشان مين ؟؟
متقليش مش قدره البس الحجاب الصح

الجلباب _ الازدال _النقاب

اى حجاب شريعى مش مهم الاسم المهم الصفات اللى فيه مش قدره ليه ومش عرفه تلبسيه ليه

اقفى مع نفسك شويه وخلى عندك ارداه بلاش ضعف
اوعى تيأس من نفسـك .. انت قـــــائد نفسك .. بإيدك تختار و بإيدك توصل بس خلى

عندك ثقة فى الله و حسن ظن و استعين بيه و لـــن يخيب رجائك ابداً سبحانه و تعالى .

العشر من ذى الحجة خلاص دخلوا علينــا ... يللا ارمى كل اللى فات ورا ضهرك

و متبصش للوراء .. المهم اللى جاى دلوقتى ..

شكِــــــــــل نفســـــك فى الأيام دى و ابذل جهدك ..

و متنساش إنك ( صلصـــال )

منقول