جاهز ؟طيب عايز تجهز؟

الجمعة يوليو 27, 2012 1:19 am

السلام عليكم ورحمته الله وبركاته*

ضيف كريم من رب رحيم سيطرق الابواب بعد ايام.. فاحسنوا استضافته يا اولى
الالباب

عمرك جالك ضيف وكان بيتك مكركب، عمرك جالك ضيف ومأحسنتش استقباله

طب لما اكرم الاكرمين يبعتلك ضيف لحد عندك هيقعد معاك شهر واحد بس ويمشي
هتستقبله ازاي؟؟

طب استعد ازاي للضيف ده، واعمل ايه عشان وهو ماشي يبلغ ربنا عني.

لو عارف تستعد ازاي وبدأت فعلا قولنا عملت ايه

ولو مش عارف تعالى نساعد بعض ونبقى ايد واحده ونستعد مع بعض

يلا نجدد نيتنا ان رمضان السنة دي هيبقى احلى ونتوكل على الله ونستعد

يلا...

نجمع اهلينا واصحابنا واخواتنا وكل الي على المنتدى ونبدأ طاعه مع بعض

يلا...
خليك مبادر وابدأ وشجع الناس انها تبدأ طاعه وفعل يرضي ربنا

يلا...

نفرح النبي صلى الله عليه وسلم بينا واحنا بنحيّ سنة من سننه عليه افضل الصلاة
والسلام

يلا ....

قولنا هتعمل ايه السنادي

عارفين لو بدأنا وعملنا كده هيحصل ايه...
هنحس بقرب ربنا لينا

هنحس بروح رمضان جوانا ونوصلها للي حوالينا

هنقوي بعض ونساعد بعض ونشجع بعض.. الجنه دي بيتنا

اخدت القرار ان رمضان السنادي احلى؟ ..

طب قررت تعمل ايه؟
هتعمل شنط رمضان

تقرأ القرآن بخشوع وتدبر

هتكلم ولاد عمك وخالك ومش هتقول انا لسه صغير
هتسمع كلام اهلك وترحمهم كما ربياك صغيرا

وافتكروا ممكن كلمه /فكرة بسيطه تقرب ناس كتير من ربنا "ومن احياها
فكانما احيا الناس جمعياً