نعل الساندرلا

موقف لا يفوتكم(حذاء سندريلا)
هلا حبايبي إيش أخباركم؟
اليوم جبت لكم موقف محرج ومضحك بنفس الوقت صارلي الموقف هذا تقريباقبل شهر (كان يوم الأربعاء وكان عندي إلتهاب بحلقي وثاني يوم اللي هو الخميس ملكة إختي وقلت لأخوي أبي أروح للمستوصف علشان أخذ مضاد لحلقي أبيه يطيب بأي طريقه- تعرفون ملكه يعني رقص ولعب وفله ووناسه
المهم رحت للمستوصف ودخلت على الدكتوره وأخوي قال:لي إذا خلصتي دقي عليه أنا أنتظرك بالسياره قلت له أوكيه..
خلصت ودخل أخوي وأخذني طبعا حنا لازم نمر بالإنتظار حق الرجال مافيه بوابة خروج غيرها وكان زحمه والرجال مجلسين ويناظرون باللي رايح والراجع وأحس إني منحرجه حيل ومرتبكه ومنزله غطاءالنقاب وحالتي حاله-
المهم خلاص والله وصلت لسيارتنا- أخوي ركب وأنا ماشيه طرااااااااااااااااااااااااااااااااااااخ طحت بين سيارتنا وسياره ثاني فيه درجه ماإنتبهة لها وصرخت وأخوي نزل منخرع اللي نفعني كان المكان ظلام شوي والناس سمعوا الصرخه وطلعو يركضون يبون يعرفون إيش صار وأنا من الإحراج حييييل من طحت على طول قمت وصرت أقفز على رجل وحده لحد ماركبت السياره وأقول لأخوي إمشي إمشي وأخوي يابنت فيك شي وأنا طايح وجهي وأقول بس إمشي وحرك على طول ولما بعدنا عن المستوصف جلست أصيح وأبكي رجلي توجعني مرررره
وأقول ياخيتك رجلي توجعني وطلع أخوي لمستشفى العام ولما جيت أبي أنزل قال لي لحظه أجيب لك كرسي علشان ممكن تكون رجلك منكسره لاسمح الله-
وأنا رافضه وطبعا مارد عليه وجاب لي كرسي وأنا خايفه إني أطيح منه وأخوي جلس يضحك عليه ويقول ماعليك بس إجلسي وبعد إلحاح جلست وأنا خايفه وكل شوي ياخيتك إمسكني لا أطيح لاتسرع بهدواء ماأدري إيش يعني جننته وطلعت الشيب براسه- ههههه
الزبده دخلنا على الأخصائي وبعد إيشاعات وحوسه طلع عندي (إلتواء بالكاحل)
جلس الدكتورساعه يحوس برجلي يدلك ويدهن وأخر شي لفها بشاش وطلعنا
طبعا داخله وطالعه بكرسي
وإحنا طالعين لماجينا نمشي من المكان المخصص للعربيات أخوي (ريوس على وراء وينزلني عكس قلت له ليش كذا
قال:شفتي طاش ماطاش لما أمهم بالعربيه بالنزله شفتي كيف عربيتها روحت بالشارع-ولو نزلتك مو عكس كان ماأقدر أمسك الكرسي تروحين مثلها وصار يضحك
وأنا من أول ماني هاضمه الكرسي والحين يخوفني بعد ...
المهم وحنا ماشين إلإ طاحت (نعلي)أكرمكم الله
وجلست أقول:له محمد طاحت نعلتي محمد طاحت نعلتي وتعالوا شوفوا وجهه قلب ١٨٠درجه وجلس يخانقني بصوت واطي خلاص إسكتي أجيبها بعدين وصار يهاوش ويلعن
وشوي فيه رجال شافو(نعلي)لماطاحت وصارو ينادون أخوي ويقولون ياالحبيب يالطيب (النعل)
وقال لهم إيوه أشوفها وصار يلعن الله يلعن إبليسك ليش مالبستيها زين..
وأنا لما صارالموقف والرجال نادوه أنا مت من الضحك
وهو يقول لي أقول لك إسكتي إنطمي
وأنا ههههههههههههه وأقول له ماني قادره أسكت
وركبت السياره ورجع وجاب لي نعلي
وهو معصب ويقول خوذي (نعلك)
(نعل سندريلا عن غفله)
وأنا هههههههههه ميته من الضحك ماني قادره أسكت وصار حتى أخوي يضحك على الموقف
لاكن بعدين كل الضحك طلع من راسي لمانزلت من السياره ماقدرت أمشي على رجلي ومن دخلت البيت كلن يسمع صياحي
من الوجع وأمي وأبوي والعائله كلهم إنخرعوا على بالهم صاير علينا حادث لأن رحت مافيني شي رجعت ساندني أخوي
أخوي قال للعائله كلهم موقف(نعل سندريلا)
وكل العائله ضحكوا وتتريقوا عليه ولحد الحين ما يقولون لي غير سندريلا
طبعا حضرت ملكة إختي وأنا على عكازة جدي الله يرحمه اللي أثقل مني وشكلي غلط بعكازه هههههه....
من جد والله الموقف من أوله لأخره محرج ومضحك من وقت طيحتي عند المستوصف لحد (نعل سندريلا)لأخر شي العكاز..

أتمنى إني ماطولت عليكم الله الله لاتنسوني من التقييم....
وشكرا

شكرا للموضوع

هههههههههههه شكرا ع القصة

ههههههههههه شكرا سندريلا

ههههههههههههههههههه شكرا ع القصة